അർജൻ്റീന ടീമിനെ പ്രഖ്യാപിച്ചു
കോപ്പ അമേരിക്കക്കുള്ള അന്തിമ ടീമിനെ പ്രഖ്യാപിച്ച് അര്‍ജന്റീന. 26 അംഗ സ്‌ക്വാഡിനെയാണ് പരിശീലകന്‍ ലയണല്‍ സ്‌കലോണി പ്രഖ്യാപിച്ചത്. പ്രാഥമിക സ്‌ക്വാഡില്‍ ഇടം നേടിയ എയ്ഞ്ചല്‍ കൊറിയ, വാലന്റൈന്‍ ബാര്‍കോ, ലിയോനാര്‍ഡോ ബലേര്‍ഡി എന്നിവര്‍ക്ക് അന്തിമ സ്‌ക്വാഡില്‍ ഇടം ലഭിച്ചില്ല.
ലയണല്‍ മെസി നയിക്കുന്ന സംഘത്തില്‍ മുന്നേറ്റ നിരയില്‍ ലൗട്ടാരോ മാര്‍ട്ടിനെസും ജൂലിയന്‍ അല്‍വാരസും അലെസാന്‍ഡ്രോ ഗര്‍നാച്ചോയും അണിനിരക്കും. എമിലിയാനോ മാര്‍ട്ടിനെസ് തന്നെയാണ് ഒന്നാം നമ്പര്‍ ഗോള്‍ കീപ്പര്‍. ക്രിസ്റ്റ്യന്‍ റൊമേറോ, നിക്കോളാസ് ഒട്ടമെന്‍ഡി, ലിസാന്‍ഡ്രോ മാര്‍ട്ടിനെസ്് എന്നിവര്‍ പ്രതിരോധ നിരയിലും അണി നിരക്കും.
