ലോക ക്രക്കറ്റിലെ നേട്ടങ്ങൾ ഓരോന്നായി തന്റെ കാൽ കീഴിലാക്കുന്ന ഇന്ത്യൻ ബൗളിം​ഗ് കരുത്തിന്റെ നെടുംതൂണായ ജസ്പ്രീത് ബുമ്ര തന്റെ കരിയറിൽ മറ്റോരു റെക്കോർഡ് കൂടി സ്വന്തമാക്കിയിരിക്കുകയാണ്. ബംഗ്ലാദേശിനെതിരെ ഒന്നാം ടെസ്റ്റിന്റെ ആദ്യ ഇന്നിംഗ്‌സില്‍ ജസ്പ്രിത് ബുമ്ര നാല് വിക്കറ്റ് നേടിയതിന് പിന്നാലെ ഈ നാഴികക്കല്ല് തന്റെ ക്രക്കറ്റ് കരിയറിൽ ചേർത്തത്. അന്താരാഷ്ട്ര ക്രിക്കറ്റില്‍ 400 വിക്കറ്റ് പിന്നിട്ടിരിക്കുകയാണ് താരം. മൂന്ന് ഫോര്‍മാറ്റുകളിലുമായിട്ടാണ് ഇത്രയും വിക്കറ്റുകള്‍ ബുംമ്ര സ്വന്തമാക്കിയിരിക്കുന്നത്. ഹസന്‍ മഹ്മൂദിനെ വിരാട് കോലിയുടെ കയ്യികളിലെത്തിച്ചാണ് താരം ഈ ചരിത്ര നേട്ടത്തിലേക്ക് ചേക്കേറിയത്. ടെസ്റ്റില്‍ 159 വിക്കറ്റും ഏകദിനത്തില്‍ 149 വിക്കറ്റും ടി20 യില്‍ 89 വിക്കറ്റുമാണ് ബുമ്രയുടെ സമ്പാദ്യം.

ഇന്ത്യയുടെ എക്കാലത്തെയും മികച്ച പേസ് ബൗളറായാണ് ക്രിക്കറ്റ് ലോകം ബുമ്രയെ വിലയിരുത്തുന്നത്.ഈ കാലഘട്ടത്തിലെ ലോകത്തെ എറ്റവും മികച്ച ബൗളറായും താരത്തെ ക്രക്കറ്റ് നീരിക്ഷകർ വിലയിരുത്തുന്നുണ്ട്.മികച്ച പേസും ,യോർക്കറും ,സ്വിങ്ങും നിറയുന്ന ബൗളുകളാൽ ക്രിക്കറ്റ് ലോകത്തെ മൂന്ന് ഫോർമാറ്റുകളിലും ബാറ്ററുമാരുടെ ഉറക്കം കെടുത്തുന്ന പേരാണ് ജസ്പ്രീത് ബുമ്ര.