സൂപ്പർ എട്ട് പ്രതീക്ഷ സജീവമാക്കി ഇംഗ്ലണ്ട്

ടി20 ലോകകപ്പിൽ ഇംഗ്ലണ്ടിന് മിന്നൽ ജയം. എതിരാളികളായ ഒമാൻ ഉയർത്തിയ 48 റൺസ് വിജയ ലക്ഷ്യം വെറും 3.1 ഓവറിൽ രണ്ട് വിക്കറ്റ് നഷ്ടത്തിൽ ഇംഗ്ലീഷുകാർ മറികടന്നു.

ഇഗ്ലണ്ടിനായി ഓപ്പണർമാരായ ജോസ് ബട്ലർ 8 പന്തിൽ 24ഉം ഫിൽ സാൾട്ട് 3 പന്തിൽ 12 റൺസുമെടുത്തു.

ആദ്യം ബാറ്റ് ചെയ്ത ഒമാൻ 13.2 ഓവറിൽ 47 റൺസിന് ഓൾ ഔട്ട്‌ ആവുകയായിരുന്നു. 4 ഓവറിൽ 11 റൺസ് വഴങ്ങി 4 വിക്കറ്റ് വീഴ്ത്തിയ ആദിൽ റഷീദ് ആണ് ഒമാനെ ചുരുട്ടി കെട്ടിയത്. ജോഫ്ര ആർച്ചറും മാർക്ക്‌ വുഡും മൂന്ന് വീതാവും വിക്കറ്റെടുത്തു.

ഈ ജയത്തോടെ ഇംഗ്ലണ്ടിന്റെ നെറ്റ് റൺറേറ്റ് +3.081 ആയി, ഈ മത്സരത്തിന് മുമ്പ് -1.800 ആയിരുന്നു അവരുടെ റൺറേറ്റ്.