Email :16
ഐ.എസ്.എല്ലില്‍ നടന്ന കൊല്‍ക്കത്ത ഡര്‍ബിയില്‍ മോഹന്‍ ബഗാന് സൂപ്പര്‍ ജയന്റ്‌സിന് ജയം. ഈസ്റ്റ് ബംഗാളിനെ എതിരില്ലാത്ത രണ്ട് ഗോളിനായിരുന്നു മോഹന്‍ ബഗാന് തോല്‍പ്പിച്ചത്. മത്സരത്തില്‍ മേധാവിത്തം പുലര്‍ത്തിയത് മോഹന്‍ ബഗാനായിരുന്നു. ജാമിയ മക്ലാരന്‍ (41), ദിമിത്രി പെത്രാറ്റോസ് (89 പെനാല്‍റ്റി) എന്നിവരായിരുന്നു മോഹന്‍ ബഗാന് വേണ്ടി ലക്ഷ്യം കണ്ടത്.
ഇന്ന് നടന്ന രണ്ടാം മത്സരത്തില്‍ മുംബൈ എഫ്.സി ഗോവയെ ഒന്നിനെതിരേ രണ്ട് ഗോളുകള്‍ക്ക് പരാജയപ്പെടുത്തി. 21ാം മിനുട്ടില്‍ നികോസ് കരാളിസ്, 40ാം മിനുട്ടില്‍ വാന്‍ നിയഫ് എന്നിവരായിരുന്നു മുംബൈയുടെ ഗോള്‍ സ്‌കോറര്‍മാര്‍. 55ാം മിനുട്ടില്‍ ലഭിട്ട പെനാല്‍റ്റിയില്‍നിന്ന് അര്‍മാന്‍ഡോ സാദികുവായിരുന്നു ഗോവയുടെ ആശ്വാസ ഗോള്‍ നേടിയത്.
