കൊളംബിയയുടെ അപരാജിത കുതിപ്പ് തടയാൻ ബ്രസീലിനുമായില്ല. കോപ്പ അമേരിക്കയിലെ അവസാന ഗ്രൂപ്പ്‌ റൗണ്ട് മത്സരത്തിൽ കൊളമ്പിയയോട് 1-1ന് സമനില യിൽ പിരിയാനായിരുന്നു ബ്രസീലിന്റെ വിധി. ഇതോടെ ഗ്രൂപ്പ്‌ ഡി യിൽ കൊളംബിയ ചാമ്പ്യൻമാരായപ്പോൾ ബ്രസീൽ രണ്ടാമതായി. ഇനി ശക്തരായ ഉറുഗ്വയെയാണ് കാനറികൾക്ക് ക്വാർട്ടർ ഫൈനലിൽ നേരിടേണ്ടത്. പനാമയാണ് കൊളംബിയയുടെ എതിരാളി.
മത്സരത്തിൽ ബ്രസീലിന് വേണ്ടി റാഫീഞ്ഞോ 12ാം മിനിറ്റിൽ ഗോൾ നേടിയപ്പോൾ ആദ്യപകുതിയുടെ അധികസമയത്തിന്‍റെ രണ്ടാം മിനിറ്റിൽ (45+2) ഡാനിയൽ മുനോസിന്‍റെ ഗോളിലൂടെ കൊളംബിയ ഒപ്പമെത്തുകയായിരുന്നു.