ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ യുനൈറ്റഡിന് ജയം. ലെസ്റ്റര്‍ സിറ്റിയെ എതിരില്ലാത്ത മൂന്ന് ഗോളിനാണ് യുനൈറ്റഡ് പരാജയപ്പെടുത്തിയത്. 17ാം മിനുട്ടില്‍ ബ്രൂണോ ഫെര്‍ണാണ്ടസിന്റെ ഗോളിലൂടെയാണ് യുനൈറ്റഡ് ആദ്യ ലീഡെടുത്തത്. 38ാം മിനുട്ടില്‍ വിക്ടര്‍ ക്രിസ്റ്റിയന്‍സെന്റെ സെല്‍ഫ് ഗോളിലൂടെ യുനൈറ്റഡ് ലീഡ് ഇരട്ടിച്ചു. 82ാം മിനുട്ടില്‍ അര്‍ജന്റീനിയന്‍ താരം ലയാന്ദ്രൊ ഗര്‍നാച്ചോയാണ് യുനൈറ്റഡിന്റെ അവസാന ഗോള്‍നേടിയത്.

മറ്റൊരു മത്സരത്തില്‍ ഇപ്‌സിച്ച് ടൗണ്‍ ടോട്ടനം ഹോട്‌സ്പറിനെ പരാജയപ്പെടുത്തി. 2-1 എന്ന സ്‌കോറിനായിരുന്നു ടോട്ടനത്തിന്റെ പരാജയം. ആദ്യ പകുതിയില്‍ തന്നെ രണ്ട് ഗോള്‍ ലീഡെടുത്ത ഇപ്‌സിച് ടോട്ടനത്തെ വരിഞ്ഞുമുറുക്കുകയായിരുന്നു.
മറ്റൊരു മത്സരത്തില്‍ ന്യൂകാസില്‍ യുനൈറ്റഡ് 3-1ന് നോട്ടിങ്ഹാം ഫോറസ്റ്റിനെ പരാജയപ്പെടുത്തി.