ചരിത്ര പ്രസിദ്ധമായ വെംബ്ലി സ്റ്റേഡിയത്തിൽ ഡോർട്മുണ്ടുകാരുടെ കണ്ണീർ വീണു. ആ കണ്ണീരിൽ ചവിട്ടി റയൽ മാഡ്രിഡ്‌ ഒരിക്കൽ കൂടെ യൂറോപ്പിന്റെ ചാമ്പ്യൻ പട്ടം എടുത്തണിഞ്ഞു.

എതിരില്ലാത്ത രണ്ട് ഗോളിന് ജർമൻ ശക്തികളെ വീഴ്ത്തിയാണ് ആൻസലോട്ടിയും സംഘവും തങ്ങളുടെ 15ആം ചാമ്പ്യൻസ് ലീഗ് കിരീട നേട്ടം ആഘോഷിച്ചത്.

74ആം മിനുട്ടിൽ കാർവഹാൾ, 83ആം മിനുട്ടിൽ വിനീഷ്യസ് ജൂനിയർ എന്നിവരാണ് റയലിനായി ഗോൾ കണ്ടെത്തിയത്.