Email :18
സൂപ്പര്‍ ലീഗ് കേരളയില്‍ ഇതുവരെ പരാജയം രുചിക്കാത്ത കണ്ണൂര്‍ വാരിയേഴ്സ് ഇന്ന് തിരുവനന്തപുരം കൊമ്പന്‍സിനെ നേരിടും. കോഴിക്കോട് കോര്‍പ്പറേഷന്‍ സ്റ്റേഡിയത്തില്‍ രാത്രി 7.30 നാണ് കിക്കോഫ്.
ഏഴ് കളികളില്‍ നിന്ന് മൂന്നു വിജയവും, നാല് സമനിലകളുമായി പതിമൂന്ന് പോയിന്റുള്ള കണ്ണൂരില്‍ ഇപ്പോള്‍ രണ്ടാം സ്ഥാനത്താണ്. പതിമൂന്ന് പോയിന്റുള്ള കാലിക്കറ്റ് എഫ്.സിയാണ് മുന്നില്‍. രണ്ടു വിജയവും, മൂന്ന് സമനിലയും, രണ്ട് പരാജയവും നേടിയ കൊമ്പന്‍സ് ഒമ്പതു പോയിന്റുമായി നാലാം സ്ഥാനത്താണ്.തങ്ങളുടെ ഹോം ഗ്രൗണ്ടില്‍ വാരിയേഴ്‌സിനെ സമനിലയില്‍ തളച്ച ആത്മവിശ്വാസമായാണ് കൊമ്പന്‍പട കോഴിക്കോടെത്തിയിരിക്കുന്നത്.
