31 കാരനായ സ്പാനിഷ് മിഡ്ഫില്‍ഡര്‍ സെര്‍ജിയോ ലാമാസുമായി കരാറിലെത്തി ഗോകുലം കേരള എഫ്.സി. ബൊളീവിയയുടെ ഒന്നാം ഡിവിഷനിലെ ഗ്വാബിറ എന്ന ക്ലബില്‍ നിന്നാണ് ഗോകുലം സെര്‍ജിയോയെ സൈന്‍ ചെയ്തിരിക്കുന്നത്. സ്‌പെയിനിന്റെ ഒന്നാം ഡിവിഷനില്‍ കളിച്ച സെര്‍ജിയോ ലാമാസ് ലോ കത്തിലെ ഏറ്റവും മത്സരാധിഷ്ഠിത സ്റ്റേജുകളിലൊന്നില്‍ തന്റെ കഴിവുകള്‍ പ്രദര്‍ശിപ്പിച്ചിട്ടുണ്ട്. ഡിപോര്‍ട്ടീവോ അലാവസില്‍ അദ്ദേഹത്തിന്റെ അസാധാരണമായ പ്രകടനം സ്പാനിഷ് രണ്ടാം ടയര്‍ ചാമ്പ്യന്‍ഷിപ്പ് നേടുന്നതിലേക്ക് ടീമിനെ നയിച്ചു.
തന്റെ കരിയറില്‍ ഉടനീളം, ലാലിഗ2, Primera Federación Gr ഉള്‍പ്പെടെയുള്ള വിവിധ മത്സരങ്ങളില്‍ സെര്‍ജിയോ കാര്യമായ സംഭാവനകള്‍ നല്‍കിയിട്ടുണ്ട്. 18 ഗോളുകളുടെയും 12 അസിസ്റ്റുകളും താരം നേടിയിട്ടുണ്ട്. സെര്‍ജിയോ ലാമാസ് ക്ലബ്ബിനൊപ്പം ചേരുന്നതില്‍ ഞങ്ങള്‍ക്ക് സന്തോഷമുണ്ടെന്ന് ജി.കെ.എഫ്.സി പ്രസിഡന്റ് വി.സി പ്രവീണ്‍ പറഞ്ഞു. ‘അദ്ദേഹത്തിന്റെ അനുഭവപരിചയവും വൈദഗ്ധ്യവും ഞങ്ങളുടെ മധ്യനിരയെ ശക്തിപ്പെടുത്തുകയും ഞങ്ങളുടെ ആക്രമണ സാധ്യതകള്‍ വര്‍ദ്ധിപ്പിക്കുകയും ചെയ്യും. ഈ സീസണില്‍ ടീമിന്റെ പ്രകടനത്തില്‍ അദ്ദേഹം ഉണ്ടാക്കാന്‍ പോകുന്ന മാറ്റങ്ങളില്‍ ഞങ്ങള്‍ ആവേശത്തിലാണ്.’
സെര്‍ജിയോ ലാമാസ് ഗോകുലത്തില്‍ ചേരുന്നതിലുള്ള തന്റെ ആവേശം പ്രകടിപ്പിച്ചു: ‘ഈ ക്ലബ്ബിന്റെ ഭാഗമാകാന്‍ കഴിഞ്ഞതില്‍ എനിക്ക് സന്തോഷമുണ്ട് . ടീമിന്റെ വിജയത്തിനും ഒരുമിച്ച് മികച്ച നേട്ടങ്ങള്‍ കൈവരിക്കാനും ഞാന്‍ ആഗ്രഹിക്കുന്നു. ഇവിടെയുള്ള ആരാധകരുടെ അഭിനിവേശവും പിന്തുണയും അവിശ്വസനീയമാണ്, . അവരുടെ മുന്നില്‍ കളിക്കാനാണ് ഞാന്‍ കാത്തിരിക്കുന്നത്.
