ടി20 ക്രിക്കറ്റിലെ ഏറ്റവും വലിയ സ്‌കോർ 344

ടി20 ക്രിക്കറ്റിൽ പുതിയ ചരിത്രം കുറിച്ച് സിംബാബ്‌വെ ടീം. ടി20 ക്രിക്കറ്റിൽ ഏറ്റവും കൂടുതൽ റൺസ് നേടുന്ന ടീം എന്ന ഖ്യാതിയാണ് സിംബാബ്‌വെ സ്വന്തം പേരിൽ ചരിത്ര പുസ്തകത്തിൽ എഴുതിച്ചേർത്തത്. ഗാംബിയക്കെതിരേ 344 റൺസാണ് സിംബാബ്‌വെ നേടിയത്. മത്സരത്തിൽ 290 റൺസിന്റെ ചരിത്ര ജയം നേടാനും അവർക്കായി. കഴിഞ്ഞ ദിവസം നടന്ന ടി20 ലോകകപ്പ് യോഗ്യതാ മത്സരത്തിലായിരുന്നു ഗാംബിയക്കെതിരേ സിംബാബ്‌വെയുടെ താണ്ഡവം.

ടോസ് നേടിയ സിംബാബ്‌വെ ബാറ്റിങ് തിരഞ്ഞെടുക്കുകയായിരുന്നു. ആദ്യം ബാറ്റു ചെയ്ത സിംബാബ്‌വെ നിശ്ചിത ഓവറിൽ നാലു വിക്കറ്റ് നഷ്ടത്തിലായിരുന്നു 344 റൺസ് നേടിയത്. ക്യാപ്റ്റൻ സിക്കന്തർ റാസ ഔട്ടാകാതെ 133 റൺസെടുത്ത് കളിയിലെ താരമായി. മറുപടി ബാറ്റിങ്ങിനിറങ്ങിയ ഗാംമ്പിയുടെ ഇന്നിങ്‌സ് 54 റൺസിൽ അവസാനിച്ചു. 14.4 ഓവറിലായിരുന്നു ഗാംബിയ 54 റൺസ് നേടിയത്. ഒൻപതാമനായി ക്രീസിലെത്തി 12 പന്തിൽ 12 റൺസെടുത്ത ആന്ദ്രെ യാർജുവാണ് ഗാംബിയയുടെ ടോപ് സ്‌കോറർ. ഗാംമ്പിയ നിരയിൽ ഒരു താരത്തിന് പോലും രണ്ടക്കം കണ്ടെത്താൻ കഴിഞ്ഞില്ല.