Email :126
ഡ്യൂറന്‍ഡ് കപ്പില്‍ കേരള ബ്ലാസ്റ്റേഴ്സ് നാളെ ആദ്യ മത്സരത്തിനിറങ്ങും. മുംബൈ സിറ്റി എഫ്.സിക്കെതിരെയാണ് 133ാം ഡ്യൂറന്‍ഡ് കപ്പില്‍ ബ്ലാസ്റ്റേഴ്സിന്റെ ആദ്യ മത്സരം.
കൊല്‍ത്തയിലാണ് ടൂര്‍ണമെന്റിലെ ബ്ലാസ്റ്റേഴ്സിന്റെ ഗ്രൂപ്പ് മത്സരങ്ങള്‍ നടക്കുക. ഈ മാസം നാലിന് പഞ്ചാബ് എഫ്.സിയെയും 10ന് സി.ഐ.എസ്.എഫ് പ്രൊട്ടക്‌ടേഴ്‌സ് എഫ്.ടിയെയും ബ്ലാസ്റ്റേഴ്സ് ഗ്രൂപ്പ് റൗണ്ടില്‍ നേരിടും. തായ്‌ലാന്‍ഡിലെ പ്രീസീസണ്‍ കഴിഞ്ഞ് കേരള ബ്ലാസ്റ്റേഴ്സ് കഴിഞ്ഞ ദിവസം കൊല്‍ക്കത്തയില്‍ എത്തിയിരുന്നു. പുതിയ പരിശീലകന്‍ മൈക്കിള്‍ സ്റ്റാറയുടെ കീഴില്‍ കേരള ബ്ലാസ്റ്റേഴ്സിന്റെ ആദ്യ ടൂര്‍ണമെന്റാണിത്.
വയനാട്ടിലെ ഉരുള്‍പൊട്ടല്‍ ദുരന്തത്തിന്റെ പശ്ചാത്തലത്തില്‍ മരിച്ചവരോടുള്ള ആദരസൂചകമായി കറുത്ത ബാന്‍ഡ് ധരിച്ചാണ് ബ്ലാസ്റ്റേഴ്സ് താരങ്ങള്‍ കളത്തിലിറങ്ങുക.
