ഐ ലീഗിൽ രണ്ടാം ഹോം മത്സരത്തിൽ ഗോകുലം ഇന്ന് ചർച്ചിൽ ബ്രദേഴ്സിനെ നേരിടും, രാത്രി ഏഴിനു കോഴിക്കോട് ഇ.എം.എസ് സ്റ്റേഡിയത്തിൽ നടക്കുന്ന മത്സരത്തിൽ സ്ത്രീകൾക്ക് പ്രവേശനം സൗജന്യമാണ്. ഇതുവരെ മൂന്ന് മത്സരങ്ങൾ കളിച്ച ഗോകുലം അഞ്ച് പോയ്ന്റുമായി പട്ടികയിൽ ആറാം സ്ഥാനത്താണ്. ഏഴാം സ്ഥാനത്തുള്ള ചർച്ചിൽ ബ്രദേഴ്സ് എഫ്.സിക്ക് മൂന്നു മത്സരങ്ങളിൽ നിന്ന് നാലു പോയ്ന്റാണ് ആണ് നേടാനായത്.
മുൻ സീസണിൽ ചർച്ചിലിനോട് തോൽവി വഴങ്ങിയിട്ടില്ലെന്ന മേൽകൈ ഗോകുലത്തിനുണ്ട്. സമാന ശൈലിയിൽ അക്രമിച്ചുകളിക്കുന്ന ഇരുടീമുകളും ഏറ്റുമുട്ടുമ്പോൾ ഇന്നത്തെ മത്സരത്തിൽ ഗോളുകൾ ഒട്ടനവധി പിറന്നേക്കാം. ഐ ലീഗ് കിരീടം ലക്ഷ്യം വെച്ച് എത്തുന്ന ഗോകുലത്തിന് മത്സരം വിജയിക്കൽ അനിവാര്യമാണ്. നിലവിൽ എല്ലാ ടീമുകളും മൂന്ന് വീതം
മത്സരങ്ങൾ കളിച്ചു കഴിഞ്ഞപ്പോൾ ഏഴ് പോയിന്റ്സുമായി ഇന്റർ കാശി എഫ്.സി യാണ് ഒന്നാം സ്ഥാനത്ത്. ‘ഗോൾ അവസരങ്ങൾ ഒരുപാടുണ്ടാക്കുന്നുവെങ്കിലും ഗോൾകണ്ടെത്തുന്നെതിലെ പിഴവുകൾ സംഭവിക്കുന്നതാണ് ടീമിനെ അലട്ടുന്നത്, എനിക്ക് ഈ ടീമിൽ വിശ്വാസമുണ്ട്, ടീമിൽ ഇന്ത്യൻ ഡിഫെൻഡേർസ് തന്നെ മതിയാവുമെന്നാണ് ഞാൻ കരുതുന്നതും,
ചർച്ചിലിനെതിരെ വിജയിക്കാൻ തന്നെയാണ് ഞങ്ങൾ ശ്രേമിക്കുന്നതും’ ടീം ഹെഡ് കോച്ച് അന്റോണിയോ റുവേട അഭിപ്രായപ്പെട്ടു. അവസാനമായി ഐസ്വാൾ എഫ്.സിക്കെതിരേയുള്ള ഹോം മത്സരത്തിൽ ഗോകുലത്തിന് സമനിലയായിരുന്നു. അതിനാൽ ഇന്നത്തെ മത്സരത്തിൽ ജയത്തോടെ തിരിച്ചുവരാനാണ് മലബാറിയൻസ് കളത്തിലിറങ്ങുന്നത്.
