Email :15
തുടർച്ചയായ മൂന്നാം സമനില
ലോക ചെസ് ചാംപ്യൻഷിപ്പിൽ ഇന്ത്യൻ താരം ഡി ഗുകേഷിന് വീണ്ടും സമനില. ചാംപ്യൻഷിപ്പിലെ ആറാം മത്സരത്തിൽ ചൈനീസ് താരം ഡി ലിറങ്ങിനെതിരേയായിരുന്നു ഗുകേഷ് സമനില പിടിച്ചത്. തുടർച്ചയായ മൂന്നാം മത്സരമാണ് സമനിലയിൽ അവസാനിച്ചത്. ഇന്നലെ നടന്ന മത്സരം 46 നീക്കങ്ങൾക്ക് ശേഷമായിരുന്നു സമനിലയിൽ അവസാനിച്ചത്.
ഇതോടെ രണ്ട് പേർക്കും മൂന്ന് പോയിന്റ് വീതമായി. ആറു മത്സരം പൂർത്തിയായപ്പോൾ രണ്ട് താരങ്ങളും ഓരോ മത്സരത്തിലും മാത്രമായിരുന്നു വിജയിച്ചത്. മത്സരത്തിന്റെ തുടക്കത്തിൽ ഗുകേഷിന് തിരിച്ചടി നേരിട്ടുവെങ്കിലും പ്രതീക്ഷ കൈവിടാതെ പൊരുതി ഗുകേഷ് സമനില പിടിച്ചു വാങ്ങുകയായിരുന്നു. 14 മത്സരങ്ങളാണ് ചാംപ്യൻഷിപ്പിൽ ആകെ ഉള്ളത്. അതിൽ ആറു മത്സരമാണ് ഇപ്പോൾ പൂർത്തിയായിട്ടുള്ളത്. ഇനി എട്ട് മത്സരങ്ങൾകൂടി പൂർത്തിയാകാനുണ്ട്.
